ஆதார் கார்டு அப்டேட் செய்ய செப்டம்பர் 30 வரை அவகாசம் நீட்டிப்பு!

இந்தியாவில் ஆதார் அட்டை மிக முக்கியமான அடையாள ஆவணமாகும். வங்கி கணக்குகள், பெரும்பாலான அரசு சம்பந்தப்பட்ட இடங்கள் மற்றும் பிற செயல்பாடுகள் அனைத்திற்கும் ஆதார் அவசியம். ஏதேனும் சிக்கல்களைத் தவிர்க்க, அதில் உள்ள தகவல்களைப் புதுப்பித்த நிலையில் வைத்திருப்பது அவசியம்.

தரவுகளின் துல்லியத்தை உறுதிசெய்ய, இந்திய தனித்துவ அடையாள ஆணையம் (UIDAI) ஆதார் எண்களைக் கொண்ட அனைத்து நபர்களும் பதிவுசெய்த நாளிலிருந்து 10 ஆண்டுகளுக்கு ஒரு முறையாவது ஆதாரில் உள்ள ஆதார் ஆவணங்களை புதுப்பிக்குமாறு பரிந்துரைத்துள்ளது. கூடுதலாக, UIDAI இந்த காரணத்திற்காக இணைய பயனர்களுக்கு ஆதார் அட்டை ஆவணங்களை இலவசமாக புதுப்பித்துள்ளது.

இந்த சேவையானது UIDAI-ன் ஆதார் அட்டை ஆவணங்களை இலவசமாக புதுப்பித்தலின் நீட்டிப்பாகும். ஜூன் 14காலக்கெடுவுக்கு மாறாக, ஆதார் அட்டை பயனர்கள் செப்டம்பர் 30 வரை தங்கள் ஆதார் ஆவணங்களை இலவசமாகப் புதுப்பிக்கலாம்.